Երեւան: Մեդիամաքս: 2011-2014թթ, Հայաստանում ԱՄՆ դեսպանի պաշտոնը զբաղեցրած Ջոն Հեֆերնը կնշանակվի Եվրոպայի ու Եվրասիայի հարցերով ԱՄՆ պետքարտուղարի օգնական:

Ինչպես նշված է Պետքարտուղարության կայքում, այս պահին Հեֆերնը պետքարտուղարի օգնականի պաշտոնակատար է:

Ջոն Հեֆերնը կփոխարինի Վիկտորիա Նուլանդին եւ կդառնա այն առանցքային պաշտոնյաներից մեկը, ովքեր պատասխանատու են Եվրոպայի եւ Եվրասիայի տարածաշրջաններում, ներառյալ Հարավային Կովկասում ամերիկյան քաղաքականության մշակման եւ իրականացման համար:

2015 թ. օգոստոսից Ջոն Հեֆերնը կատարում էր ԱՄՆ պետքարտուղարի Եվրոպայի եւ Եվրասիայի հարցերով օգնականի գլխավոր տեղակալի պարտականությունները: