Երեւան: Մեդիամաքս: Այսօր երեկոյան Ուելսում ԱՄՆ պետքարտուղար Ջոն Քերիի մասնակցությամբ կկայանա Հայաստանի եւ Ադրբեջանի նախագահներ Սերժ Սարգսյանի եւ Իլհամ Ալիեւի հանդիպումը:
Ինչպես հաղորդում է Պետքարտուղարության պաշտոնական կայքը, հանդիպումը կմեկնարկի Երեւանի ժամանակով 20:30-ին:
Այսօր ավելի վաղ Twitter-ում ԵԱՀԿ Մինսկի խմբի ամերիկացի համանախագահ Ջեյմս Ուորլիքը հետեւյալ գրառումն էր կատարել. «Հայաստանի եւ Ադրբեջանի նախագահները մասնակցում են ՆԱՏՕ-ի գագաթնաժողովին: Մեր ընդհանուր արժեքների եւ նպատակների վերաբերյալ հստակ հայտարարություն կարվի»:
