Երեւան: Մեդիամաքս: Հայ ազգային կոնգրեսի (ՀԱԿ) անդամ Նիկոլ Փաշինյանն այսօր ասել է, որ «Սերժ Սարգսյանը եւ նրա վարչակազմը մայիսի 6-ին ընտրությունների ընթացքում իրականացրել են քաղաքացիական ցեղասպանություն»:
Հանդես գալով այսօրվա ՀԱԿ հանրահավաքում, նա ասել է, որ «Սերժ Սարգսյանի իշխանությունը մարդկանց մեջ սպանում է քաղաքացուն»:
Նիկոլ Փաշինյանը ընտրական տեղամասերը համեմատել է Դեր Զորի անապատի հետ, իսկ մայիսի 6-ը` ապրիլի 24-ի հետ: Նա նաեւ ասել է, որ այն 9 հազար քաղաքացիները, ովքեր ընտրել են իրեն Մալաթիա-Սեբաստիա համայնքում մայիսի 6-ին, պարտիզանական պայքար են տարել Լֆիկական Օսվենցիմում»:
Նիկոլ Փաշինյանն ասել է, որ չնայած «խայտառակ ընտրություններին», ՀԱԿ խմբակցությունը պետք է աշխատի Ազգային Ժողովում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: