Երեւան: Մեդիամաքս: ՀՀ կառավարության այսօրվա որոշմամբ, կնվազեցվեն արտադրողների շահութահարկերը:
Ինչպես հաղորդում է Մեդիամաքս-ը, ՀՀ էկոնոմիկայի նախարար Տիգրան Դավթյանն ասել է, որ համաձայն արտոնությունների տրամադրման նոր համակարգի, շահութահարկը կնվազեցվի այն դեպքում, եթե ընկերությունը նախատեսում է ստեղծել նոր աշխատատեղեր:
Նախարարը հավելել է, որ այս համակարգը գործելու է միայն արտադրողների համար:
Մեկ այլ որոշմամբ, կառավարությունը հաստատել է Հայաստանի գործարար միջավայրի բարելավման 2013թ. միջոցառումների ծրագիրը:
Տիգրան Դավթյանի խոսքով, այս տարվա ընթացքում նախատեսվում է իրականացնել շուրջ 50 միջոցառում տնտեսության տարբեր ոլորտներում՝ Հայաստանի գործարար միջավայրի բարելավման նպատակով:
