Երեւան: Մեդիամաքս: Հայաստանում տեղակայված ՌԴ ռազմակայանի «Կամխուդ» լեռնային զորավարժարանում մեկնարկել է դաշտային պայմաններում իրականացվող հետախուզական ստորաբաժանումների զինծառայողների հատուկ պատրաստումը:
Երեք օրում հրահանգիչները ձեռնամարտի դասեր կտան 100 հետախույզների՝ սովորեցնելով նրանց ետ մղել պայմանական հակառակորդի հարձակումները ձեռնամարտի կամ դանակային մարտի միջոցով:
Ուսուցման ընթացքում զինծառայողները կսովորեն կատարել մարտական ակրոբատիկայի, բռնցքամարտի տեխնիկայի ու դանակներով մարտի հնարքներ:
Հատուկ ուշադրություն է դարձվելու հետախույզների ըմբշամարտի կողմից հնարքների յուրացմանը:
Պատրաստման ավարտին հետախույզները կանցնեն հատուկ մակետներով սարքավորված 150 մ երկարություն ունեցող գոտի: Այդ մակետների վրա նրանք կիրառելու են յուրացված հնարքները:
Նպատակն է զինծառայողների մոտ զարգացնել շարժունակություն, անակնկալ խոչընդոտներին արձագանքելու եւ ակտիվ հակառակորդի դեմ զենքով գործելու ունակությունները:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: