Երեւան: Մեդիամաքս: Ապրիլի 4-ին Մոսկվայում տեղի կունենա Տատյանա Դանիլյանցի՝ Երեւանի մասին պատմող «Վեց երաժիշտներ քաղաքի ֆոնին» վավերագրական ֆիլմի պրեմիերան:
Ինչպես հայտնում է Expert Online-ը, Երեւանի մասին պատմում են դուդուկի վարպետ Ջիվան Գասպարյանը, Armenian Navy Band-ի հիմնադիր Արտո Թունջբոյաջյանը, երգահան եւ երգչուհի Լիլիթ Պիպոյանը, ջազմեն Լեւոն Մալխասյանը, երգահան, թառի վարպետ Միքայել Ոսկանյանն ու երգիչ Ֆորշը:
«Սկզբում ես ենթադրում էի, որ կլինի կարճ ֆիլմ Ֆորշի մասին, բայց հետո հասկացա, որ ֆիլմը պատմելու է Երեւանի մասին՝ վեց երաժիշտների աչքերով», - ասել է Տատյանա Դանիլյանցը:
Ռեժիսորի խոսքով, իր մոտ ստացվել է հեղինակային կինոնկար, որի հիմքում են Երեւանի մասին իր սեփական պատկերացումները:
«Ինձ թվում է, մեզ հաջողվել է տեսագրման համար գտնել ճիշտ անկյուններն ու ռակուրսները: Ես փնտրում էի այն, ինչ մյուսները դեռ չէին տեսել: Ինձ համար կարեւոր է, որպեսզի այս ֆիլմը տեսնեն շատերը, որպեսզի դիտողը ծանոթանա Երեւանի խորհրդանիշերի հետ, որոնք թանկ են ցանկացած երեւանցուն», - ասել է Տատյանա Դանիլյանցը:
Ֆիլմը ստեղծվել է Հայագիտական հետազոտությունների զարգացման եւ աջակցության «ԱՆԻՎ» հիմնադրամի աջակցությամբ:
Ֆիլմը Ռուսաստանի կինոթատրոններում կցուցադրվի ապրիլի 6-ից:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: