Երեւան: Մեդիամաքս: 2022 թվականի առաջին կիսամյակում Ադրբեջանը Եվրամիության երկրներին 4,9 միլիարդ եվրոյի գազ է մատակարարել։

Այս տվյալները ներկայացնում է «Ինտերֆաքսը»՝ վկայակոչելով Եվրահանձնաժողովի տեղեկանքը եվրոպական գազի շուկայում իրավիճակի վերաբերյալ։

Ադրբեջանից Եվրոպա գազը մատակարարվում է Տրանս-Ադրիատիկ գազատարով (TAP), որը շահագործման էր հանձնվել 2020 թվականի դեկտեմբերի 31-ին։

2021 թվականին Ադրբեջանը Եվրոպա էր արտահանել 8,2 միլիարդ խորանարդ մետր գազ։

2022 թվականին Ադրբեջանից Եվրոպա գազի արտահանումը կանխատեսվում է 11,5 միլիարդ խորանարդ մետրի չափով։ Ակնկալվում է, որ մինչեւ 2027 թվականը մատակարարման տարեկան ծավալները կաճեն մինչեւ 20 մլրդ խորանարդ մետր։