Երեւան: Մեդիամաքս: Թուրքական Baykar ընկերությունը հայտնել է, որ հաջողությամբ փորձարկել է Bayraktar Akıncı B նոր մարտական անօդաչու թռչող սարքը։

Ինչպես հայտնում է Անադոլու գործակալությունը՝ նոր մոդելը համալրված է 750 ձիաուժ հզորությամբ երկու շարժիչներով։

Ընկերության տեխնիկական տնօրեն Սելջուկ Բայրաքթարը հայտնել է, որ Akıncı B-ն իր դասի ամենահզոր եւ մարտունակ մարտական անօդաչու թռչող սարքն է աշխարհում։

Baykar ընկերության գործադիր տնօրեն Հալուք Բայրաքթարն ասել է, որ  Baykar-ը երկու երկրների հետ պայմանագրեր է կնքել նոր մոդելի արտահանման համար։

Սպասվում է, որ շուտով կփորձարկվի նաեւ 1900 ձիաուժ հզորությամբ Akinci C մոդելը։