Երեւան: Մեդիամաքս: ԱՄՆ նախագահ Ջո Բայդենը հուշագիր է հրապարակել, որով լիազորել է պետքարտուղար Էնթոնի Բլինքենին Ուկրաինային տրամադրել անհապաղ ռազմական օգնություն։

Մասնավորապես, Ուկրաինան կարող է ստանալ մինչև 250 մլն դոլարի ռազմական օգնություն եւ մինչև 350 մլն դոլարի պաշտպանական միջոցներ։

Bloomberg-ն ավելի վաղ հայտնել էր, որ ԱՄՆ վարչակազմը Կոնգրեսից լրացուցիչ 6,4 միլիարդ դոլար է հայցել Ուկրաինայի և մի շարք այլ երկրների, ինչպես նաև Պենտագոնի կարիքների համար։ Ենթադրվում է, որ այս գումարից 2,9 մլրդ դոլարը կուղղվի Ուկրաինային մարդասիրական եւ անվտանգային օգնություն ցուցաբերելուն։