Ֆրանսիականի շրջանավարտները՝ կանանց հնարավորությունների մասին - Mediamax.am

3325 դիտում

Ֆրանսիականի շրջանավարտները՝ կանանց հնարավորությունների մասին


Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս

Ժոնաթան Լաքոտը եւ Բերտրան Վենարը
Ժոնաթան Լաքոտը եւ Բերտրան Վենարը

Լուսանկարը` Մեդիամաքս

Էլեն Գեղամյանը
Էլեն Գեղամյանը

Լուսանկարը` Մեդիամաքս

Լուսանկարը` Մեդիամաքս

պրոֆեսոր Բերտրան Վենարը
պրոֆեսոր Բերտրան Վենարը

Լուսանկարը` Մեդիամաքս

Նարինե Նավասարդյանը
Նարինե Նավասարդյանը

Լուսանկարը` Մեդիամաքս

Անի Մանուկյանը
Անի Մանուկյանը

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս


Կանանց իրավունքների պաշտպանության միջազգային օրվա կապակցությամբ Հայաստանում ֆրանսիական համալսարանը (ՀՖՀՀ) մարտի 10-ին կազմակերպել էր «Մտքի կանայք, գործի կանայք» կլոր սեղան-քննարկումը, որի մասնակիցներն էին ՀՖՀՀ-ի՝ ձեռներեցության մեջ հաջողությունների հասած եւ ղեկավար պաշտոններում աշխատող կին շրջանավարտները: Միջոցառմանը բացման խոսքով հանդես են եկել Հայաստանում Ֆրանսիայի արտակարգ եւ լիազոր դեսպան Ժոնաթան Լաքոտը եւ ՀՖՀՀ ռեկտոր պրոֆեսոր Բերտրան Վենարը։

Ժոնաթան Լաքոտը եւ Բերտրան Վենարը Ժոնաթան Լաքոտը եւ Բերտրան Վենարը

Լուսանկարը` Մեդիամաքս

ՀՖՀՀ-ի շրջանավարտները միջոցառմանը կիսվել են իրենց փորձով եւ խոսել կարեւոր պաշտոններում կանանց հնարավորությունների ու բնորոշ հատկությունների մասին: Մեդիամաքսը ներկա է գտնվել միջոցառմանը, առանձնացրել է քննարկման ուշագրավ մտքերն ու զրուցել շրջանավարտների հետ:

 

Ֆրանսիական համալսարանում կանանց ներգրավվածությունը շատ մեծ է. այստեղ ուսանողների 70%-ից ավելին իգական սեռի են:

Լուսանկարը` Մեդիամաքս

Համալսարանի կին շրջանավարտներից շատերն են արդեն ներկայիս աշխատաշուկայում բարձր պաշտոններ զբաղեցնում ու տարբերվում հատկապես ֆրանսերենի իմացությամբ: «Մտքի կանայք, գործի կանայք» միջոցառման խոսնակները միաձայն նշում են՝ օտար լեզուների, մասնավորապես՝ ֆրանսերենի իմացությունն իրենց կարիերայում միշտ որպես առավելություն է համարվել:

 

«Կանայք այսօր ավելի նպատակասլաց են»

 

Մեկ այլ միտք, որ կարմիր թելի նման եւս հնչում է շրջանավարտների խոսքում, համալսարանի տարիներին ձեւավորված բազմաֆունկցիոնալ մոտեցումն է: Շրջանավարտներից բոլորը միաձայն ասում են՝ Ֆրանսիականում են ձեռք բերել՝ մի քանի գործ միաժամանակ հասցնելու, արագ կողմնորոշվելու եւ սթրեսներին դիմակայելու հմտությունը:

 

«Շատ հաճախ եմ լսել, որ ասեն՝ Ֆրանսիականի ուսանողները միշտ տարբերվում են»,- մեզ հետ զրույցում ասում է շրջանավարտներից Էլեն Գեղամյանն ու շարունակում խոսքը,- «Ցանկացած աշխատանքային հարցազրույցի ժամանակ, երբ գործատուին ասել եմ՝ Ֆրանսիական համալսարանի ուսանող եմ, նրա հայացքում միանգամից տարբերություն եմ նկատել: Շատերը գիտեն, թե մենք քննական շրջանում ինչքան ծանրաբեռնված ենք աշխատել»:

Էլեն Գեղամյանը Էլեն Գեղամյանը

Լուսանկարը` Մեդիամաքս

Էլենը բակալավրիատն ավարտել է 2019 թվականին, սովորել է կառավարման ֆակուլտետում, սակայն հենց առաջին կուրսից աշխատել է մարքեթինգի ոլորտում: 22-ամյա Էլենը վեց ամիս առաջ է հիմնել է Scorpio Creative Agency մարքեթինգային գործակալությունը: Չնայած 2020-ի դժվարություններին՝ վստահ էր, որ կարող է թիմ հավաքել ու շուկայում յուրովի ներկայանալ. այս պահին իր թիմում 13 հոգի են, աշխատում են հայկական ավելի քան 30 բրենդի հետ:

պրոֆեսոր Բերտրան Վենարը պրոֆեսոր Բերտրան Վենարը

Լուսանկարը` Մեդիամաքս

Էլենը կլոր սեղանի շուրջ կարեւորում է նաեւ անդրադառնալ աշխատաշուկայում կին եւ տղամարդ ղեկավարների տարբերությանն ու կիսվում իր գործակալության փորձով: «Վերջին տարիներին նկատում եմ՝ մեր հասարակությունում կանանց աշխատանքին այլեւս մատների արանքով չեն նայում ու, կարծես, մենք հասնում ենք հավասարության այդ ցանկալի կետին: Ավելին՝ կանայք այսօր ավելի նպատակասլաց են ու միտված կարիերա կառուցելուն: Մեր ընկերությունում, օրինակ, այս պահին 13 աշխատակիցներից բոլորս կանայք ենք. երբ թափուր աշխատատեղի հայտարարություն ենք դնում, դիմողների 90%-ը կանայք են լինում»,- իր ելույթում նշում է Էլենը:

 

Ինչպես համատեղել ընտանիքն ու աշխատանքը

 

Միջոցառման հյուրերի շրջանակից հնչում է նաեւ թեմայի ամենասպասված հարցը՝ ինչպես են այս գործարար կանայք համատեղում ընտանիքը եւ աշխատանքը: Շրջանավարտներից 36-ամյա Անի Մանուկյանն իր օրինակն է բերում՝ ունի երկու երեխա եւ աշխատում է FAB group ընկերությունում որպես կոմերցիոն տնօրեն: Աշխատանքն ու ընտանիքը համատեղելու գործում Անիին եւս օգնում է համալսարանից ստացած՝ ամեն ինչ նախօրոք կազմակերպելու հմտությունը:

Լուսանկարը` Մեդիամաքս

Համալսարանում ստացած կրթությունը Անիի դեպքում ամբողջությամբ համապատասխանում է ներկայիս աշխատանքի բնույթին: ՀՖՀՀ-ում Անին սովորել է վեց տարի, մարքեթինգի ֆակուլտետում ստացել է միջազգային գործարարության մասնագետի որակավորում` առեւտուր (կոմերցիա) մասնագիտությամբ, նաեւ մագիստրոսի աստիճան` միջազգային բիզնես մասնագիտացմամբ:

Անի Մանուկյանը Անի Մանուկյանը

Լուսանկարը` Մեդիամաքս

«ՀՖՀՀ-ն իմ կյանքում եւ կարիերայում չափազանց մեծ դեր է ունեցել: Համալսարանում ստացած ահռելի մասնագիտական եւ պրակտիկ գիտելիքներն այն մեկնարկային բազան էին, որը նպաստեց ոլորտում իմ կայացմանը։ Լինելով ուսանող` պրակտիկա եմ անցնել հայաստանյան տարբեր ձեռնարկություններում, իսկ համալսարանական պրակտիկայի շրջանակներում ինձ հնարավորություն ընձեռվեց մեկ ամսից ավելի փորձաշրջան անցնել ֆրանսիական ձեռնարկությունում, Նիցցա քաղաքում», - մեզ հետ զրույցում ասում է Անի Մանուկյանը:

 

Համատեղել «կրունկով կոշիկ եւ տեխնոլոգիա» բառակապակցությունը

 

Ֆրանսիական համալսարանում մեծ թվով կին ղեկավարներ ունենալու փաստը եւս ոգեշնչել է ուսանողներին կարիերան ավելի վստահ սկսելու գործում: Նարինե Նավասարդյանը հենց այն շրջանավարտներից է, որ մոտիվացվել է համալսարանի կին ղեկավարներով ու աշխատել սկսել է երկրորդ կուրսից: Աշխատանքային կարիերայում Նարինեի առաջին ղեկավարը նույնպես կին է եղել:

Լուսանկարը` Մեդիամաքս

2010-ին կառավարման ֆակուլտետն ավարտած Նարինեն վերջին տարիներին փորձել է նաեւ տեխնոլոգիաների ոլորտում կարծրատիպ փոխել ու համատեղել «կրունկով կոշիկ եւ տեխնոլոգիա» բառակապակցությունը՝ շուկայում հիմնելով Codics ծրագրավորման ընկերությունը: Կլոր սեղանի շուրջ Նարինեն իր խոսքում շեշտը դնում է գործարար կնոջ խնդիրների ու առավելությունների վրա:

Նարինե Նավասարդյանը Նարինե Նավասարդյանը

Լուսանկարը` Մեդիամաքս

«Եթե մտածում եք՝ ձեռներեցությամբ զբաղվել, թե ոչ, խորհուրդ եմ տալիս սկսելուց առաջ լավ մտածել, քանի որ այդ որոշումը բացարձակապես փոխում է ձեր կյանքը:

 

Երբ անհատ ձեռներեց ես, չկա մի պահ, որ դու աշխատանքով չզբաղվես, նույնիսկ եթե աշխատավայրում չես, քո մտքում են թվերը, հաճախորդները, թիմը, ժամանակակից պահանջներին համապատասխանելու կարեւորությունը: Պետք է շատ երկար մտածել՝ արդյոք այդ ամենը քոնն է, իսկ եթե քոնն է, ուրեմն պետք է մինչեւ վերջ գնալ: Այս կամային հատկությունները եւս զարգացրել եմ ՀՖՀՀ-ում կրթության տարիներին»,- ասում է Նարինե Նավասարդյանը:

 

Ամալի Խաչատրյան

 

Լուսանկարները՝ Էմին Արիստակեսյանի

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին