Երեւան։ Մեդիամաքս։ Երեւանի կոնյակի գործարանն այսօր իրականացրել է ընկերության գլխավոր համալիրի հարակից տարածքի կանաչապատում։
Նախագիծը ոլորտի մասնագետների աշխատանքի եւ տարածքի արխիվային փաստաթղթերի ուսումնասիրության արդյունքն է, որը միտված է ոչ միայն լրացուցիչ գեղագիտական հմայք հաղորդել Երեւանին, այլեւ նպաստել բնապահպանական պատկերի եւ բիոբազմազանության բարելավմանը։
Լուսանկարը` Երեւանի կոնյակի գործարան
Կանաչապատման շրջանակներում տնկվել են տարատեսակ ծառեր, այդ թվում` եղեւնիներ, թխկիներ, հուդայածառեր, որոնք ընտրվել են հաշվի առնելով տարածքի թե՛ բնակլիմայական, թե՛ մակերեւութային առանձնահատկությունները եւ թե՛ կոնյակի գործարանի ֆասադային շենքի ճարտարապետական լուծումները։
Լուսանկարը` Երեւանի կոնյակի գործարան
«Եթե չլիներ բնության առատաձեռնությունն ու հայկական հողի ջերմությունը, անհնար կլիներ կոնյակագործության հիմնադրումը դեռեւս XIX դարում։ Բնությունն է միակ աղբյուրը, առանց որի նույնիսկ ամենահմուտ մասնագետները կլինեին անզեն իրենց ստեղծագործական որոնումներն իրագործելու հարցում։ Հայկական կոնյակագործության հոբելյանական այս տարում մենք չէինք կարող չանդրադառնալ հատուկ մի նախագծի, որը խորհրդանշորեն արտացոլում է մեր երախտիքը բնության հանդեպ։
Սերգեյ ԽաչատրյանըԼուսանկարը` Երեւանի կոնյակի գործարան
Բնապահպանական օրակարգը միշտ է եղել Երեւանի կոնյակի գործարանի ուշադրության կենտրոնում, եւ ես հատկապես ուրախ եմ, որ տարեցտարի մենք ընդլայնում ենք բնության նկատմամբ հոգատար վերաբերմունքի մեր տրամագիծը՝ ներգրավելով նորանոր համայնքներ»,- ասել է Երեւանի կոնյակի գործարանի գործադիր տնօրեն Սերգեյ Խաչատրյանը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: