Երեւան: Մեդիամաքս: «Գազպրոմ-Մեդիա Ժամանցային հեռուստատեսություն» ենթահոլդինգի եւ ТНТ հեռուստաալիքի գլխավոր տնօրեն Արթուր Ջանիբեկյանն արժանացել է «Ռուսաստանի մեդիամենեջեր» ազգային մրցանակի Գրան պրի մրցանակին:
Մրցանակը շնորհվում է «ՄեդիաԲիզնես» հրատարակչական տան եւ մեդիաբիզնեսի մասին մասնագիտացված «Նովոստի ՍՄԻ» ամսագրի կողմից՝ ոլորտի հասարակական կազմակերպությունների աջակցությամբ:
2018 թվականի ապրիլին Արթուր Ջանիբեկյանը Adindex-ին տված հարցազրույցում ասել էր, որ «հեռուստատեսությունը եւ համացանցը իրար մեջ են ինտեգրվում, ստեղծվում են տեսածառայություններ եւ հինգ տարի անց հեռուստատեսությունը հեռարձակելու է լիովին այլ կոնտենտ»:
«Շատ պրոդուկտներ ստեղծվելու են «այստեղ եւ հիմա» սպառելու համար: Եթե դուք, օրինակ, առավոտյան դիտում եք 7 րոպե տեւողությամբ որեւէ բան մետրոյում, ապա մենք արտադրելու ենք յոթ րոպե տեւողությամբ մի հեռուստասերիալ եւ այն եթեր կհեռարձակենք առավոտյան 08:30: Մեր նպատակն է քայլել ժամանակին համընթաց եւ հասցնել սպառման ետեւից», - նշում էր Արթուր Ջանիբեկյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: