Երեւան: Մեդիամաքս: Մեկ տարի առաջ, 2017 թվականի ապրիլի 12-ին FAST (Foundation for Armenian Science and Technology) հիմնադրամը հայտարարեց Խորհրդատվական խորհրդի ձեւավորման եւ գործադիր տնօրենի նշանակման մասին:
Առաջին անգամ FAST-ի ստեղծման մտադրության մասին 2016 թ. հուլիսին խոսել էր սոցիալական ներդրող եւ գործարար, IDeA հիմնադրամի համահիմնադիր Ռուբեն Վարդանյանը, նշելով, որ հիմնադրամը ուղղված է լինելու «Հայաստանում տեխնոլոգիական նորարարությունների համար միջավայր զարգացնելուն եւ հայաստանյան ու միջազգային գիտական հանրությունների գիտական, տեխնոլոգիական ու ֆինանսական ռեսուրսները մոբիլիզացնելուն»։
FAST-ի հիմնադիրներն են Ռուբեն Վարդանյանը եւ Նուբար Աֆեյանը՝ IDeA հիմնադրամի անունից, Տեր Մեսրոպ քահանա Արամյանը՝ «Այբ» եւ «Լույս» հիմնադրամների անունից, բարձր տեխնոլոգիաների եւ նորարարության ոլորտի գործարար Արթուր Ալավերդյանը:
Մեդիամաքսը ներկայացնում է վերջին մեկ տարվա հրապարակումների ընտրանին՝ FAST-ի գործունեության տարբեր ուղղությունների մասին:
***
Արմեն Օրուջյան. FAST-ը ցավազրկող չէ, այն հակաբիոտիկ է
Լուսանկարը` FAST
FAST-ի նպատակները ամբողջական են։ Մենք ցանկանում ենք ստեղծել ամբողջական էկոհամակարգ, որն առաջ կմղի տեխնոլոգիական նորարարությունը եւ գիտական առաջընթացը։ Դա անելու համար անհրաժեշտ է թիրախավորել բոլոր կարեւոր միջոցները՝ մտավոր, ֆինանսական, ցանցային՝ ստեղծելով «ցունամի», որն իրար հետեւից ալիքներ է բերում:
***
FAST-ը ստանձնել է ինտեգրատորի դեր, ասել է վարչապետը
Լուսանկարը` ՀՀ կառավարության մամուլի ծառայություն
«21-րդ դարում դրան նպաստող պարտադիր պայման է գործընթացների գլոբալիզացիան եւ կոմունիկացիոն տեխնոլոգիաների կիրառումը։ Կարծում եմ՝ FAST-ը՝ իր գործընկերների հետ միասին, կարող է ստանձնել ինտեգրատորի դեր՝ ապահովելով գիտության եւ տեխնոլոգիաների աշխարհի լավագույն կենտրոնների կապը մեր մասնագետների հետ»,- ասել է վարչապետը։
***
«Պետք է դառնանք մեծ գաղափարների երկիր», ասել է FAST-ի տնօրենը
Լուսանկարը` FAST
«Մենք շատ ենք լսում այն մասին, որ մենք փոքր, բայց հպարտ ազգ ենք: Իսկ միգուցե ինքներս մեզ ընկալենք որպես հսկանե՞ր: Մենք գիտության եւ տեխնոլոգիաների հսկաներն ենք: Մենք փոխակերպող առաջնորդներ ենք: Մենք ենք ամենահզոր գյուտարարները, գործարարները, բժիշկները, հայտնագործողները, ստեղծողները»,- ասել է FAST-ի գործադիր տնօրենը:
***
FAST-ի կրթաթոշակային ծրագիրն՝ էկոհամակարգի ստեղծման առաջին քայլ
Լուսանկարը` Photolure
«FAST-ը հարթակ է, որն օգնում է մեկտեղել մարդկանց, կենտրոնացնել եւ հավաքագրել ռեսուրսները: Մենք կատարում ենք արագացուցչի դեր: Այս կրթաթոշակի ծրագիրը ֆիզիկայի, մաթեմատիկայի, կենսաբանության, քիմիայի եւ ճարտարագիտության ոլորտներում սովորողների լավագույն 10%-ի համար է լինելու»,- ասել է Արմեն Օրուջյանը:
***
FAST-ը, երիտասարդ գիտնականների մոտիվացիան ու ապագան
Լուսանկարը` FAST
Մեդիամաքսն արտերկրից ժամանած հայ երիտասարդ գիտնականների հետ զրուցել է FAST հիմնադրամի ստեղծած հնարավորությունների, Հայաստանում առկա գիտական խնդիրների, հեռանկարների եւ հայկական գիտության զարգացման մեջ նրանց հնարավոր ներդրումների շուրջ:
***
Կարապետ Անդրանիկյան. Համատեղե՛ք ինտելեկտն ու էմոցիաները
Լուսանկարը` FAST
«Ժամանակը շատ կարեւոր է, գիտության եւ տեխնոլոգիայի մեջ պետք է արագընթաց լինել: Դուք կարող եք ունենալ լավագույն գաղափարները, բայց եթե դանդաղեք՝ չեք կարողանա հասնել աշխարհի հետեւից: Մենք պետք է արդյունավետ գործենք, եւ ես լավատես եմ մեր աշխատանքի ու ապագայի ծրագրերի հարցում»:
***
FAST-ի «Հրեշտակների ցանցը» կկապի բիզնեսն ու գիտությունը
Լուսանկարը` Մեդիամաքս
«Մեզ համար շատ կարեւոր է, որ այդ բիզնեսները եկած լինեն գիտությունից, որպեսզի ներդրվելիք գումարները ուղղվեն գիտությանը եւ գիտնականը, ով որեւէ հայտնագործություն է արել, կարողանա գնալ առեւտրայնացման եւ դուրս գալ գլոբալ շուկա: Մենք նպատակ ունենք կապեր կառուցել բիզնեսի եւ գիտության միջեւ» - ասել է FAST-ի համահիմնադիր Արթուր Ալավերդյանը:
***
Իգոր Խալաթյան. Օգնելու ենք նրանց, ովքեր մնում են Հայաստանում
Լուսանկարը` Մեդիամաքս
«Մենք փնտրում ենք վաղ շրջանի ընկերությունների: Դրանք չպետք է լինեն զուտ գաղափարներ՝ արդեն պետք է որոշակի աշխատանք կատարած լինեն, առկա լինի, օրինակ, ապագա պրոդուկտի նախատիպը: Ինչ վերաբերում է այն ընկերություններին, որոնք արդեն հաճախորդներ ունեն եւ զարգացած են, ամենայն հավանականությամբ, դրանք ավելի շատ հետաքրքրված կլինեն վենչուրային ֆինանսավորմամբ, քան մեր տրամադրած «հրեշտակային» ներդրումներով»:
***
Ռուբեն Հարությունյան. Սխալվելը սարսափելի չէ, սովորեք սխալներից
Լուսանկարը` Մեդիամաքս
«Հասկանալի է, որ ոչ բոլոր մարդիկ կլինեն ակտիվ, բայց գոնե այն մարդկանց համար, ովքեր փորձում են ինչ-որ ելքեր գտնել, մենք կարող ենք լինել բիզնես հրեշտակներ, որոնք կբռնեն նրանց ձեռքից եւ ցույց կտան ճանապարհը: Մենք չենք կարող նրանց փոխարեն աշխատել եւ այդ ամենը կյանքի կոչել, բայց, հավատացեք, ցանկացած բիզնեսմենի կյանքում մենթորները շատ կարեւոր դեր ունեն»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: