Երեւան: Մեդիամաքս: Հայաստանում եւ Վրաստանում Միացյալ Թագավորության առեւտրի եւ ներդրումների հարցերով հանձնակատար, խորհրդարանական Մարկ Փրիթչարդն ասել է, որ Ամուլսարի ոսկու հանքը շահագործող «Լիդիան» ընկերությունը հավատարիմ է շրջակա միջավայրի պահպանության ամենաբարձր ստանդարտներին բոլոր գործընթացներում:
Այս մասին հանձնակատարն ասել է Banks.am-ին տված բացառիկ հարցազրույցում:
««Լիդիան»-ն այստեղ խոշոր գումարներ, եւ որ ամենակարեւորն է՝ մարդկային ռեսուրս է ներդրել: Ընկերությունը զգալի ներդրում է կատարում Հայաստանի տնտեսության մեջ»,- ասել է բրիտանացի հանձնակատարը;
Անդրադառնալով հաճախ հնչող մտահոգություններին, թե ընկերության գործունեությունը շրջակա միջավայրի համար ռիսկեր է պարունակում, Մարկ Փրիթչարդը նշել է.
«Բնապահպանական տեսանկյունից՝ կապ չունի դա մեծ, թե փոքր ընկերություն է, հանքարդյունաբերողների եւ բնապահպանների միջեւ լարվածություն միշտ էլ առկա է: Սա նորություն չէ, եւ ամենայն հավանականությամբ, իրավիճակը երբեւէ չի փոխվի: Մի կողմից, քննադատությունը նաեւ առողջ երեւույթ է, քանի որ նպաստում է շրջակա միջավայրի պահպանությանը: Մյուս կողմից, ընկերություններն ու երկրներն առաջընթացի կարիք ունեն, եւ իմ պատկերացմամբ՝ «Լիդիան»-ը հավատարիմ է շրջակա միջավայրի պահպանության ամենաբարձր ստանդարտներին բոլոր գործընթացներում»:
Բրիտանացի պաշտոնյան նկատել է, որ հանքարդյունաբերական ընկերություններին քննադատողներ միշտ կլինեն:
«Բայց «Լիդիան»-ն արել եւ անում է հնարավոր ամեն ինչ, որպեսզի համապատասխանի Հայաստանի՝ շրջակա միջավայրի պահպանման ամենաբարձր ստանդարտներին»,- ասել է նա:
Մարկ Փրիթչարդի հարցազրույցն ամբողջությամբ կարող եք կարդալ այստեղ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: