Երեւան: Մեդիամաքս: Հայաստանն այսօր ստորագրել է Եվրոպայի խորհրդի՝ Կանանց նկատմամբ բռնության եւ ընտանեկան բռնության կանխարգելման եւ դրա դեմ պայքարի մասին կոնվենցիան։
ԵԽ հաղորդագրության համաձայն՝ Հայաստանը դարձել է Եվրոպայի խորհրդի 45-րդը անդամ պետությունը, որը ստորագրել է այն։ Անդամ 47 պետություններից միայն Ադրբեջանը եւ Ռուսաստանը չեն միացել կոնվենցիային։
Այս կոնվենցիան ստորագրելով՝ երկիրը պարտավորվում է կանխարգելել, հետաքննել եւ վերացնել կանանց նկատմամբ բռնության դեպքերը եւ ընտանեկան բռնությունը։ Այն նաեւ ներառում է հատուկ մոնիտորինգային մեխանիզմ՝ երկրների կողմից այդ դրույթների արդյունավետ կյանքի կոչման համար։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: