Երեւան: Մեդիամաքս: Ադրբեջանի նախագահ Իլհամ Ալիեւն այսօր ներում է շնորհել Ադրբեջանում դատապարտված բլոգեր Ալեքսանդր Լապշինին։

Համապատասխան կարգադրությունը տեղադրված է Ադրբեջանի նախագահի պաշտոնական կայքում:

ՌԴ եւ Իսրայելի քաղաքացի Ալեքսանդր Լապշինն այս տարվա հուլիսին դատապարտվել էր 3 տարի ազատազրկման՝ 2011 եւ 2012 թթ. Լեռնային Ղարաբաղ այցելելու համար:

Բլոգերը ձերբակալվել էր 2016թ. վերջին Մինսկում՝ Ադրբեջանի դիմումով: 2017թ. փետրվարին Բելառուսը նրան արտահանձնել էր Բաքվին։