Երեւան: Մեդիամաքս: ՀՀ վարչապետ Կարեն Կարապետյանը կառավարության այսօրվա նիստում հանձնարարել է պարզեցնել օտարերկրյա քաղաքացիներին ՀՀ մուտքի վիզայի տրամադրման կարգը:
ՀՀ ոստիկանապետին հանձնարարվել է մեկշաբաթյա ժամկետում մշակել եւ կառավարության հաստատմանը ներկայացնել որոշման նախագիծ, որով կառաջարկվի վերացնել Հայաստան ժամանած օտարերկրյա քաղաքացիների կողմից սահմանային անցակետերում դիմում-հարցաթերթիկների լրացման պահանջը:
Ֆինանսների նախարարին էլ հանձնարարվել է քննարկել եւ ներկայացնել համապատասխան առաջարկություն, որով պետական սահմանի անցման կետերում ՀՀ մուտքի վիզայի պետական տուրքի գրանցումը հնարավոր կլինի իրականացնել նաեւ անկանխիկ եղանակով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: