Դե ինչ, տոներն ավարտվում են՝ դատարկվում են սառնարանները, մոտենում է տոնածառ հավաքելու փոքր-ինչ տխուր արարողությունը, մենք էլ վերադառնում ենք սովորական առօրյային, որում իրենց կարեւոր տեղն ունեն այդքան սպասված շաբաթ-կիրակիները:
ՀՈՒՆՎԱՐԻ 13, ՇԱԲԱԹ
Ամանորի հետ կապված վերջին միջոցառումները տեղի կունենան շաբաթ օրը: Քաղաքի բազմաթիվ վայրերում նշվելու է «Հին Նոր Տարին»: Մնում է ընտրել ցանկալի ոճը եւ համապատասխան կերպով հրաժեշտ տալ տոներին:
The Loft-ում Հին Նոր Տարուն սպաս են հյուրասիրելու, իսկ հետո խոստանում են DJ, պարեր եւ ալկոհոլային լավ խմիչքներ:
Սկիզբը՝ 19:00-ին: Մուտքավճարը՝ 1800 դրամ (ներառյալ սպասը): Գրանցվելու համար զանգահարեք 043 408 864 հեռախոսահամարով:
***
Ժամը 20:00-ին Come in Home-ում (Պռոշյան 9/1) Հին Նոր Տարին եւս յուրօրինակ է լինելու՝ հալեցնելու են Ռակլետ պանիր եւ խաղալու են մաֆիա:
Գրանցումը պարտադիր է, մուտքավճարը` 3900 դրամ, զույգի համար՝ 6900 դրամ:
Հեռախոսահամարն է 091 25 54 02:
***
Ջազային կերպով Հին Նոր տարին նշելու են Էնոտեկայում: Ժամը 20:00-ին այնտեղ հանդես կգա Վահագն Հայրապետյանի կվինտետը:
Տոմսի արժեքը՝ 3000 դրամ, ամրագրման համար զանգահարել 091 54 94 71 հեռախոսահամարով:
***
Play City-ում ժամը 20:00-ից հավաքվելու են դիսկո պարելու եւ բոուլինգ խաղալու՝չմոռանալով հետաքրքիր կոկտեյլների մասին:
Նախնական ամրագրման եւ մանրամասների համար զանգահարեք 010 62 09 99 եւ 091 62 09 99 հեռախոսահամարներով:
***
Mezzo ակումբում Նոր Տարին նշելու են հին ընկերների օգնությամբ՝ բեմում կլինեն Allusion Band-ը, Yellow Stones-ը եւ DJ Guevo-ն:
Սկիզբը՝ 21:00-ին: Տոմսերի արժեքը՝ 2000-ից 8000 դրամ:
***
«Երեւանյան» Հին Նոր Տարի կգտնեք Ֆորշ ակումբում՝ ջերմ միջավայրում եւ բարձր տրամադրությամբ: Սկիզբը 21:00-ին, մուտքի արժեքը՝ 5000 դրամ:
***
Նույն ժամին Ոստան հայոց խումբը Հին Նոր Տարին ռոքային ձեւով կսկսի ճանապարհել Stop ակումբում:
Մուտքի արժեքը՝ 2000 դրամ:
***
Pahest33-ում DJ-ների «տարափ» է ակնկալվում՝ հույն DJ Dimi.el.-ի գլխավորությամբ: Ժամը 21:00-ից մինչեւ ուշ գիշեր House-ի եւ Deep House-ի սիրահարները կարող են վայելել հայտնի DJ-ի լավագույն սեթերը:
Ամրագրման համար զանգահարեք 044 99 99 59 հեռախոսահամարով:
ՀՈՒՆՎԱՐԻ 14, ԿԻՐԱԿԻ
Կիրակի օրը կարելի է վերջապես շունչ քաշել, գնալ քաղաքից դուրս կամ էլ վերհիշել երեխաների համար նախատեսված հետաքրքիր դասընթացները:
«Նոր էջից» նոր տարին սկսելու լավագույն տարբերակներից է առաջարկում ArmUP Hiking ակումբը՝ կազմակերպելով վերելք դեպի Արա լեռ:
Մասնակցության արժեքը կազմում է 4000 դրամ (ներառում է տրանսպորտ, լեռնային ուղեկցորդների եւ բժշկի ծառայությունները):
Մանրամասներին կարող եք ծանոթանալ այստեղ:
***
Ակտիվ եւ սպորտային կիրակիներ կարելի է անցկացնել Ծաղկաձորում: Հունվարի 14-ից մինչեւ փետրվարի 4-ը Bezoar Travel-ը կազմակերպում է դահուկավարման եւ սնոուբորդի դասընթացներ ամենասկսնակների համար:
Դասընթացներն իրականացվելու են մեկօրյա գրաֆիկով՝ Ծաղկաձորի լեռնադահուկային սահուղիներում:
Դահուկավարման դասընթացն արժենալու է 16 000 դրամ, սնոուբորդի դասընթացը՝ 17 000 դրամ:
Մանրամասներին կարող եք ծանոթանալ այստեղ, նախնական գրանցումը պարտադիր է:
***
Ավելի մշակութային ծրագրով ուղեւորվել Ծաղկաձոր հնարավոր է Արշավ ակումբներ տուրի հետ միասին: Մեկօրյա տուրի արժեքը կազմում է 3500 դրամ եւ ներառում է զբոսանք քաղաքում, այցելություններ Կեչառիսի վանք, Օրբելի եղբայրների տուն-թանգարան, զիփլայն, ճոպանուղի:
Մանրամասների համար զանգահարեք՝ 010 564 974, 077 122 771, 099 122 771 հեռախոսահամարներով:
***
Երեխաների համար նախատեսված բոլոր միջոցառումները տեղի կունենան Երեւանում:
Ժամը 13:00-ին ՏաՏա զարգացման կենտրոնում 8+ երեխաները կծանոթանան դեկուպաժի արվեստի գաղտնիքներին: Կպատրաստվեն գրչամաններ, որոնք այնուհետեւ կզարդարվեն դեկուպաժի միջոցով:
Մասնակցության արժեքը՝ 2000 դրամ:
Ավելի փոքր տարիքի երեխաները կարող են մասնակցել մեծահասակի ուղեկցությամբ: Այդ դեպքում մասնակցության արժեքը կկազմի 3000 դրամ:
Նախնական գրանցման համար զանգահարեք 096 86 8282 հեռախոսահամարով կամ գրեք ֆեյսբուքյան էջին:
***
Ժամը 14:00-ին Smash Studio-ում 10-14 տարեկան եւ 15+ դեռահասների համար կազմակերպվելու են հետաքրքիր խաղեր, որոնցից գլխավորը կլինի Մաֆիան:
Մեկ երեխայի մասնակցության արժեքը 3 500 դրամ է: Նախնական ամրագրման եւ մանրամասների համար զանգահարեք 055 86 87 91 հեռախոսահամարով:
***
Ժամը 16:00-ին Art Corner-ում կրկին հետաքրքիր ծանոթություն է սպասվում, այս անգամ՝ Մինաս Ավետիսյանի արվեստի հետ:
Ինչպես միշտ, դպրոցական տարիքի երեխաները կծանոթանան նկարչի կյանքին եւ ստեղծագործական ուղուն, այնուհետեւ՝ կփորձեն ստեղծագործել նրա ոճով:
Մասնակցության արժեքն է 2000 դրամ: Գրանցվելու համար զանգահարեք 095 58 58 34 հեռախոսահամարով:
Աննա Բուբուշյան
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: