Փաշինյան. Ադրբեջանը գնում է նորանոր սադրանքների - Mediamax.am

3557 դիտում

Փաշինյան. Ադրբեջանը գնում է նորանոր սադրանքների


Լուսանկարը` ՀՀ կառավարություն մամուլի ծառայություն


Երեւան։ Մեդիամաքս։ Հայաստանի վարչապետ Նիկոլ Փաշինյանն այսօր ասել է, որ «Լեռնային Ղարաբաղում իրադրության նոր սրում ունենք»:

«Նախորդ կիրակի Ադրբեջանի զինվորականները դարանակալել ու հարձակվել են Հին շեն ու Մեծ շեն գյուղեր ուղեւորվող ոստիկանների վրա, որոնցից երեքը զոհվել է:

 

Մարտի 5-ի ահաբեկչությամբ Ադրբեջանը մի քանի նպատակ է հետապնդում. առաջինը ԼՂ ներկայացուցիչների հետ հետագա բանակցությունների վիժեցումն ու նոր ռազմական սադրանքի համար անհրաժեշտ ֆոն ստեղծելը:

 

Լեռնային Ղարաբաղի ԱԳՆ-ն արդեն հայտարարել է, որ պատրաստ է շարունակելու խոսակցությունն Ադրբեջանի հետ, ինչը չափազանց կարեւոր է: Անհրաժեշտ է ստեղծել միջազգային հուսալի մեխանիզմներ, որ Բաքու-Ստեփանակերտ անխափան եւ ինստիտուցիոնալ խոսակցությունը տեղի ունենա», - կառավարության նիստում ասել է Նիկոլ Փաշինյանը:

 

Նրա խոսքով՝ մարտի 5-ի սադրանքի մյուս նպատակն է ստեղծել կեղծ «ապացույցներ», թե Հայաստանից Լեռնային Ղարաբաղ զենք եւ զինամթերք է տեղափոխվում:

 

«Այս թեման Ադրբեջանի համար հատկապես կարեւոր է Արդարադատության միջազգային դատարանի փետրվարի 22-ի որոշումից հետո, երբ դատարանը միանշանակ մերժեց Հայաստանի նկատմամբ ժամանակավոր միջոց կիրառելու Ադրբեջանի պահանջը»,- հիշեցրել է վարչապետը:

 

Նիկոլ Փաշինյանը նշել է, որ Ադրբեջանը գնում է նորանոր սադրանքների իրադրությունը ԼՂ-ում ավելի սրելու համար:

 

«Ավելի հրատապ է դառնում ԼՂ եւ Լաչինի միջանցք միջազգային փաստահավաք առաքելության անհրաժեշտությունը՝ կանխելու Ադրբեջանի կողմից նոր ագրեսիայի սանձազերծումը եւ ԼՂ ժողովրդին էթնիկ զտումների եւ ցեղասպանության ենթարկելու Ադրբեջանի ակնհայտ նախապատրաստությունները»,- ասել է նա:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին