Երեւան: Մեդիամաքս: Ադրբեջանի նախագահ Իլհամ Ալիեւը այսօր ասել է, որ թույլ չի տա որեւէ վտանգ առաջանա այն քաղաքացիների համար, ովքեր վերադառնում են Ղարաբաղում Բաքվի վերահսկողության տակ անցած տարածքներ:
«Մի քանի օր առաջ ես լսեցի, որ այժմ նրանց դաշնակիցները ցանկանում են վերակենդանացնել եւ արդիականացնել Հայաստանի բանակը: Ինչի՞ համար: Ո՞ւմ դեմ: Պատերազմն ավարտվել է: Եթե ինչ-որ մեկն ապրում է ռեւանշիստական տրամադրություններով, ապա բռունցք կտեսնի: Թող չփորձեն մեր համբերությունը», - մեջբերում է Ալիեւի խոսքերը ՏԱՍՍԸ-ը:
Միեւնույն ժամանակ, նա շեշտել է, որ Ադրբեջանը շարունակելու է ուժեղացնել իր բանակը. «Նոր պայմանագրեր են կնքվել, ձեռք են բերվում ամենաժամանակակից զենքերը»:
Ալիեւը նշել է նաեւ, որ ռազմական գործողությունները բարձրացրել են զինված ուժերի կատարելագործման հարցը: «Բարեփոխումները կբերեն ավելի շարժունակ եւ մարտունակ բանակի ստեղծմանը», - շեշտել է նա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: