Մոսկվան հաստատել է, որ С-400 կմատակարարի Թուրքիային - Mediamax.am

78821 դիտում

Մոսկվան հաստատել է, որ С-400 կմատակարարի Թուրքիային


Լուսանկարը` REUTERS


Երեւան: Մեդիամաքս: Ռազմատեխնիկական համագործակցության հարցերով Ռուսաստանի նախագահի օգնական Վլադիմիր Կոժինը հայտարարել է, որ Թուրքիային С-400 զենիթահրթիռային համալիրների մատակարարման պայմանագիրը «ստորագրվել է եւ պատրաստվում է ի կատար ածվել»:

«С-400-ը բարդագույն համակարգերից մեկն է, որը բաղկացած է մի շարք տեխնիկական միջոցներից, ուստի այստեղ կան շատ նրբություններ: Կարող եմ երաշխավորել, որ այդ պայմանագրի հետ կապված բոլոր որոշումները խստորեն համապատասխանում են մեր ռազմավարական շահերին: Այս առումով մեզ լիովին հասկանալի է որոշ արեւմտյան երկրների արձագանքը, որոնք փորձում են ճնշում գործադրել Թուրքիայի վրա»,- ասել է Վլադիմիր Կոժինը ՏԱՍՍ-ին տված հարցազրույցում:

 

Նա նաեւ նշել է, որ С-400 համակարգեր ձեռք բերելու համար հերթ են կանգնել Հարավ-Արեւելյան Ասիայի, Մերձավոր Արեւելքի երկրները եւ «ՀԱՊԿ-ի որոշ անդամ-պետություններ»:

 

«Դիմումները շատ են, մի շարք երկրներ առարկայական հետաքրքրություն են ցուցաբերում այդ համակարգի նկատմամբ: Բայց պետք է հասկանալ, որ այն շատ թանկարժեք տեխնիկա է, եւ ոչ բոլորն են կարող իրենց թույլ տալ գնել այն», - ասել է Ռուսաստանի նախագահի օգնականը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին