Վաչե Գաբրիելյան. «Առանց գոտիները ձգելու ապագա չենք ունենա» - Mediamax.am

exclusive
2984 դիտում

Վաչե Գաբրիելյան. «Առանց գոտիները ձգելու ապագա չենք ունենա»


Լուսանկարը` Մեդիամաքս


Հայաստանի նախկին փոխվարչապետ, Հայաստանի Ամերիկյան համալսարանի Բիզնեսի եւ տնտեսագիտության քոլեջի դեկան Վաչե Գաբրիելյանն ասել է, որ առանց արտաքին ռազմական համագործակցության Հայաստանը չի կարող ապահովել իր անվտանգությունը:

 

Վաչե Գաբրիելյանն այդ մասին ասել է՝ «Տնտեսական Կարմիր թել» հաղորդաշարի շրջանակում պատասխանելով Մեդիամաքսի տնօրեն Արա Թադեւոսյանի հարցերին:

 

 

«Մեր ճանապարհատրանսպորտային մեկուսացման պայմաններում ի սկզբանե պետք չէ խնդիր դնել միայն սեփական տնտեսության հաշվին անվտանգությունը ապահովելու վրա, քանի որ դա ահավոր ծանր բեռ է լինելու», - նշել է նա:

 

Վաչե Գաբրիելյանն ասել է, որ եթե այսօր հարկեր-ՀՆԱ հարաբերակցությունը Հայաստանում կազմում է 22 տոկոս, ապա անվտանգային խնդիրները պատշաճ կերպով լուծելու համար այդ ցուցանիշը պետք է աստիճանաբար հասցնել առնվազն 35 տոկոսի:

 

«Առանց գոտիները ձգելու եւ վերաբաշխումներ անելու, առանց ռեսուրսների մոբիլիզացման՝ հանուն զարգացման, մենք չենք կարող երկարաժամկետ ապագա ունենալ», - շեշտել է Վաչե Գաբրիելյանը:

 

Զրույցի թեմաները ներկայացված են ստորեւ.

 

00:20՝  ընտրական համակարգերի եւ տնտեսության կապը

 

03:35՝  մեծամասնական համակարգը եւ կոալիցիոն բանակցությունների ժամանակացույցը

 

05:30՝  Միացյալ Նահանգները, Ռուզվելտը եւ արհեստակցական միությունները

 

07:12` ընտրական համակարգերն ու երկկուսակցական համակարգը

 

08:00՝  ընտրական համակարգերն ու ժողովրդի կամքը

 

09:15՝  բեւեռացումը՝ որպես ֆաշիզմի «նախերգանք»

 

09:54՝  գործունյա մեծամասնության սկզբունքը ՀՀ նախկին ընտրական համակարգում

 

14:00՝  քաղաքական մրցակցությունը եւ Հայաստանում իրական կոալիցիա ձեւավորվելու ռիսկերն ու հնարավորությունները

 

17:00՝  համամասնական համակարգը եւ «առաջին դեմքի» գործոնը

 

19:45՝  ընտրողի հետ կենդանի կապի կարեւորությունը

 

22:02՝  համամասնական համակարգն ու «թաղային հեղինակությունները»

 

24:41՝  աշխարհի լավագույն ընտրական համակարգը

 

25:00՝  հնարավոր վերադարձը նախագահական կամ կիսանախագահական համակարգին

 

29:06՝  տնտեսական եւ անվտանգային հարցերը առաջիկա ընտրություններում

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին