Երեւան: Մեդիամաքս: ՀՀ վարչապետ Նիկոլ Փաշինյանն այսօր կառավարության նիստի ժամանակ հայտնել է, որ ՀՀ նախագահի ընտրությունը կկայանա մարտին:
Նա նշել է, որ ՀՀ բարձր տեխնոլոգիական արդյունաբերության նախարար Վահագն Խաչատուրյանին հանրապետության նախագահի թեկնածու է առաջադրել Ազգային ժողովի 65 պատգամավոր, ինչը «որոշակի վստահություն է հաղորդում, որ նա կընտրվի այս պաշտոնում»:
Նիկոլ Փաշինյանի խոսքով՝ «Քաղաքացիական պայմանագիր» խմբակցության մյուս անդամները առաջադրման փաստաթուղթը չեն ստորագրել տեխնիկական-իրավական պատճառներով:
«Առաջադրման հարցում խմբակցության ներսում ներդաշնակություն կա, ինչը վստահություն է տալիս, որ առնվազն երկրորդ փուլում նախագահի ընտրությունը կկայանա: Հույս ունեմ, որ մինչեւ ընտրությունը Վահագն Խաչատուրյանը կկատարի նախարարի դերակատարումը լիարժեք, եւ այս ընթացքում կշարունակենք արդյունավետ կերպով աշխատել կառավարությունում»,- ասել է Նիկոլ Փաշինյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: