Երեւան: Մեդիամաքս: ՀՀ վարչապետ Նիկոլ Փաշինյանն այսօր Սոչիում՝ Եվրասիական բարձրագույն խորհրդի նիստի շրջանակում, հանդիպել է Եվրասիական տնտեսական հանձնաժողովի (ԵԱՏՀ) կոլեգիայի նախագահ Տիգրան Սարգսյանի հետ:
ՀՀ կառավարության մամուլի ծառայությունը տեղեկացնում է, որ հանդիպման ընթացքում անդրադարձ է կատարվել Եվրասիական տնտեսական միության առաջիկա գագաթաժողովի օրակարգային հարցերին:
Զրուցակիցները քննարկել են ԵԱՏՄ շրջանակում համագործակցության հետագա զարգացմանն ու անդամ պետությունների միջեւ հարաբերությունների ընդլայնմանը վերաբերող այլ հարցեր:
Հիշեցնենք, որ մինչ Սոչի մեկնելը Նիկոլ Փաշինյանը, անդրադառնալով ԵԱՏՀ-ում Հայաստանը ներկայացնող ղեկավարի (Տիգրան Սարգսյանի – խմբ.) եւ, ընդհանուր առմամբ, միջազգային ինստիտուտներում թիմը փոփոխության ենթարկելու հարցին, ասել էր.
«Կարծում եմ՝ որոշակի կադրային փոփոխություններ կլինեն, սակայն, եթե ԵԱՏՄ-ում Հայաստանի ներկայության շունչը փոխվի, ապա այն կփոխվի դեպի լավը»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: