Երեւան։ Մեդիամաքս։ Արցախի պետական նախարար Ռուբեն Վարդանյանն այսօր ասել է, որ Արցախը Բաքվի հետ պատրաստ է երկխոսության, բայց ոչ թե հանձնվելու նպատակով, այլ այն պայմաններով, որոնց դեպքում հնարավոր է երկխոսություն հարեւանների միջեւ։
«Ստեփանակերտի եւ Ադրբեջանի միջեւ երկխոսությունից Ադրբեջանը մշտապես հրաժարվել է, բոլոր տեսակի երկխոսությունները եղել են տեխնիկական մակարդակով, քաղաքական մակարդակում որեւէ խոսակցություն չի եղել:
Մենք պայքարում ենք մեր հողում ապրելու իրավունքի համար, եւ դա տարբերվում է Հայաստանի պաշտոնական դիրքորոշումից։ Այս իրավիճակում կողմ ենք, որպեսզի Բաքվի հետ լինի քաղաքական, ոչ թե տեխնիկական բանակցություն»,-Երեւանի հետ տեսակամրջի ժամանակ ասել է Ռուբեն Վարդանյանը:
Նրա խոսքով՝ հայկական Սփյուռքն ու Հայաստանը պետք է հասկանան՝ սա իրավիճակ է, որ պահանջում է արտակարգ քայլեր։
«Նշանակություն չունի, թե ես ինչ եմ սպասում Հայաստանի իշխանությունից, նրանք իրենց դիրքորոշումը հայտարարել են՝ աջակցում են ֆինանսապես, իրավական ուղղությամբ, ասել են՝ ավելին չենք կարող անել: Շնորհակալ ենք դրա համար»,- ասել է Ռուբեն Վարդանյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: