Երեւան։ Մեդիամաքս։ Հունվարի 9-ին` ժամը 14։35-ին, Արցախը Հայաստանից սնուցող Գորիս-Ստեփանակերտ 110 կՎ միակ բարձրավոլտ գծի 33-րդ կմ-ում արձանագրվել է վթար, որը գտնվում է Աղավնո-Բերձոր հատվածում։

Արցախի տեղեկատվական շտաբից հայտնել են, որ ադրբեջանական կողմի ապակառուցողական դիրքորոշման պատճառով նշված հատվածում այս պահի դրությամբ հնարավոր չէ իրականացնել շրջայց եւ կազմակերպել վթարավերականգնողական աշխատանքներ:

«Որոշում է կայացվել Արցախում էլեկտրամատակարարումն իրականացնել տեղական արտադրող կայանների միջոցով՝ համապատասխան սահմանափակումներով։

Ելնելով տվյալ իրավիճակից` Արցախում հունվարի 10-ից իրականացվում են հովհարային անջատումներ»,- ասված է շտաբի հաղորդագրությունում: