Երեւան։ Մեդիամաքս։ Օգոստոսի 1-ի լույս 2-ի գիշերը եւ առավոտյան 9:00-ի դրությամբ Արցախի եւ Ադրբեջանի սահմանագծում իրադրությունն էական փոփոխությունների չի ենթարկվել:

Արցախի տեղեկատվական շտաբից հայտնում են, որ իրավիճակը կայուն է, սակայն լարվածությունը պահպանվում է:

«Արցախի ղեկավարությունը ՊԲ հրամանատարության ու ՌԴ խաղաղապահ զորակազմի հրամանատարության հետ համատեղ քայլեր է ձեռնարկում լարվածության լիցքաթափման եւ հետագա սրացումներ թույլ չտալու համար»,- ասված է շտաբի հաղորդագրությունում:

Ավելի վաղ հայտնել էինք, որ հակառակորդի ձեռնարկած սադրանքի հետեւանքով վիրավորում է ստացել ՊԲ զինծառայող Ալբերտ Բախշիյանը։