Երեւան։ Մեդիամաքս։ Մահացել է «Ղարաբաղ» կոմիտեի անդամ Դավիթ Վարդանյանը:

Այդ մասին տեղեկացրել է Վազգեն Մանուկյանի կինը՝ Վարդուհի Իշխանյանը:

«Ղարաբաղ» կոմիտեի «դասական» 11-հոգանոց կազմից այլեւս ողջ չեն Դավիթ Վարդանյանը, Համբարձում Գալստյանը, Սամվել Գեւորգյանը, Ռաֆայել Ղազարյանը, Վանո Սիրադեղյանը:

Դավիթ Վարդանյանը 72 տարեկան էր:

1971 թվականին ավարտել էր Երեւանի պետական համալսարանը։ Ֆիզիկոս-տեսաբան էր, ֆիզիկամաթեմատիկական գիտությունների թեկնածու։

1971-1990թթ. ԵՊՀ-ում աշխատել է պինդ մարմինների ֆիզիկայի ամբիոնի ճյուղային լաբորատորիայի սեկտորի վարիչ, ավագ գիտաշխատող։

1998-1999թթ. աշխատել է ՀՀ Նախագահի աշխատակազմի վերահսկողության ծառայության պետ։

1990-1995թթ.՝ եղել Գերագույն Խորհրդի պատգամավոր, արտաքին հարաբերությունների մշտական հանձնաժողովի նախագահ։

1995-1999թթ.՝ եղել է ԱԺ պատգամավոր, ԱԺՄ խմբակցության անդամ։

2000-2003 թվականներին զբաղեցրել է ՀՀ պետական գույքի կառավարման նախարարի պաշտոնը։