Երեւան: Մեդիամաքս: Ադրբեջանական կողմը շարունակում է մնալ մարտի 24-ին զբաղեցրած դիրքերում, հայտնում են Արցախի Պաշտպանության բանակից:

Բանակցությունները նրանց ելման դիրքեր վերադառնալու շուրջ շարունակվում են, ասված է հաղորդագրության մեջ:

Մարտի 25-ի լույս 26-ի գիշերը եւ առավոտյան ժամը 9:00-ի դրությամբ օպերատիվ- մարտավարական իրադրությունը շփման գծի ամբողջ երկայնքով, այդ թվում նաև արևելյան սահմանագոտում, հարաբերական կայուն է, հրադադարի էական խախտումներ չեն արձանագրվել:

Մարտի 25-ի ադրբեջանական սադրանքի հետևանքով վիրավորում ստացած ՊԲ զինծառայողներից երկուսի վիճակը շարունակում է ծայրահեղ ծանր մնալ, մեկ զինծառայողի վիճակը միջին ծանրության է, ևս 12-ինը` բավարար: