Երեւան: Մեդիամաքս: Մայիսի 10-ին ժամը 13:30-ի սահմաններում Թափկարակոյունլու-Թալիշ ուղղությամբ Ադրբեջանը կատարել է զրահատեխնիկայի (շուրջ 10 տանկ) տեղաշարժ:
Ժամը 14:55-ին դիտարկված տանկերը վերադարձել են իրենց ելման շրջանները, հաղորդում են Արցախի Պաշտպանության բանակից:
Մայիսի 10-ին եւ լույս 11-ի գիշերը շփման գծում հակառակորդը տարբեր տրամաչափի հրաձգային զինատեսակներից հրադադարի պահպանման ռեժիմը խախտել է ավելի քան 65 անգամ՝ հայ դիրքապահների ուղղությամբ արձակելով շուրջ 1700 կրակոց:
Մարտակերտի պաշտպանական ուղղությամբ հակառակորդը կիրառել է նաեւ 82 միլիմետրանոց ականանետեր (4 արկ) եւ Դ-44 տիպի հրանոթներ (8 արկ):
ՊԲ առաջապահ զորամասերը ադրբեջանական զինուժի ակտիվությունը ճնշելու համար դիմել են պատասխան գործողությունների:
Այս պահի դրությամբ օպերատիվ իրավիճակն առաջնագծում հանգիստ է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: