Երեւան։ Մեդիամաքս։ Ադրբեջանի արտգործնախարար Ջեյհուն Բայրամովը հայտարարել է Հայաստանի հետ խաղաղության պայմանագրի շուրջ բանակցություններում «դրական դինամիկայի մասին»։
«Այս ձեւաչափը (բանակցություններ Ադրբեջանի, Ռուսաստանի եւ Հայաստանի արտգործնախարարների մակարդակով-խմբ.) նախատեսված էր դեռ անցած տարեվերջին, սակայն այն չկայացավ։ Մենք բարձր ենք գնահատում այս հանդիպման կազմակերպումը եւ Հայաստանի եւ Ադրբեջանի միջեւ բանակցային գործընթացում ի հայտ եկած դրական դինամիկան»,- ասել է Բայրամովը այսօր Մոսկվայում ՝ Ռուսաստանի ԱԳ նախարար Սերգեյ Լավրովի հետ բանակցություններում։
Ադրբեջանցի նախարարը, ում բառերը մեջբերում է Ինտերֆաքս-Ադրբեջանը, հավելել է, որ «այսօր հնարավորություն կունենանք երկկողմ հիմունքներով քննարկել տարբեր ոլորտներում Հայաստանի եւ Ադրբեջանի միջեւ հետհակամարտային կարգավորմանը վերաբերող մի շարք հարցեր, ինչպես նաեւ քննարկել Ադրբեջանի եւ Ռուսաստանի երկկողմ օրակարգը»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: