Երեւան։ Մեդիամաքս։ Ռուսաստանի արտաքին գործերի նախարարությունն այսօր հայտարարել է, որ ՌԴ-ի առաջնահերթ խնդիրներից է հայ-ադրբեջանական հարաբերությունների կարգավորումը։
«Հիմքում Հայաստանի, Ռուսաստանի եւ Ադրբեջանի ղեկավարների միջեւ ստորագրված հայտարարություններն են: Մենք հավատարիմ ենք մնում առկա եւ ձեւավորվող բազմակողմ բանակցային ձեւաչափերին, պատրաստ ենք շարունակել կառուցողական փոխգործակցությունը»,- ասված է ՌԴ ԱԳՆ հայտարարությունում:
Ինչ վերաբերում է Անկարայի եւ Երեւանի հարաբերությունների կարգավորմանը, ապա ՌԴ-ն երկու կողմի հետ սերտ կապի մեջ է:
«Հենց Ռուսաստանի հովանու ներքո այդ նախաձեռնությունը մեկնարկեց 2022 թվականի հունվարին, երբ Մոսկվայում առաջին անգամ հանդիպեցին Հայաստանի եւ Թուրքիայի հատուկ ներկայացուցիչներ Ռուբեն Ռուբինյանը եւ Սերդար Քըլըչը:
Ողջունում ենք վերջին առաջընթացները, որոնք հեռանկար են բացում հայ-թուրքական կապերի վերականգնման համար, ինչը կնպաստի տարածաշրջանային իրավիճակի հետագա բարելավմանը»,- ասված է ՌԴ ԱԳՆ հաղորդագրությունում։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: