Երեւան: Մեդիամաքս: Փետրվարի 22-ին ՌԴ նախագահ Վլադիմիր Պուտինը Մոսկվայում բանակցություններ կվարի իր ադրբեջանցի պաշտոնակից Իլհամ Ալիեւի հետ, որոնց արդյունքում կստորագրվի հռչակագիր դաշնակցային փոխգործակցության մասին։

Կրեմլի մամուլի ծառայությունը հայտնել է, որ «հռչակագիրը Ռուսաստանի եւ Ադրբեջանի հարաբերությունները դուրս կբերի դաշնակցային մակարդակի»։

Նշվում է, որ Պուտինն ու Ալիեւը կքննարկեն նաեւ Ռուսաստանի, Ադրբեջանի եւ Հայաստանի ղեկավարների՝ 2020 թվականի նոյեմբերի 9-ին, 2021թ. հունվարի 11-ին եւ նոյեմբերի 26-ին ձեռք բերված պայմանավորվածությունների կատարման ընթացքը, ներառյալ տնտեսական եւ տրանսպորտային կապերի վերականգնումը Հարավային Կովկասում։