ԱՄՆ պետքարտուղար Էնթոնի Բլինքենը եւ Թուրքիայի արտգործնախարար Մեւլութ Չավուշօղլուն քննարկել են Հայաստանի եւ Թուրքիայի հարաբերությունների կարգավորման թեման։
ԱՄՆ պետքարտուղարության խոսնակ Նեդ Փրայսն ասել է, որ հեռախոսազրույցում նրանք «քննարկել են հայ-թուրքական հարաբերությունների կարգավորման գործընթացը եւ այն լրացուցիչ քայլերը, որոնք Միացյալ Նահանգները կարող է ձեռնարկել՝ աջակցելու այդ ջանքերին»։
Հեռախոսազրույցի հիմնական թեման եղել է Ուկրաինայի շուրջ ստեղծված իրավիճակը։ Մասնավորապես, ըստ Փրայսի, «պետքարտուղարն ընդգծել է մեր միասնական հավատարմությունը Ուկրաինայի ինքնիշխանությանն ու տարածքային ամբողջականությանը եւ նշել է նախագահ Էրդողանի ներգրավվածությունը դիվանագիտական հանգուցալուծման օգտին»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: