Երեւան: Մեդիամաքս: Հայաստանի վարչապետ Նիկոլ Փաշինյանը հուլիսի 11-ից 13-ը աշխատանքային այցով կլինի Բրյուսելում:
Վարչապետը կհանդիպի ԵՄ կառույցների ղեկավարների հետ, ինչպես նաեւ երկկողմ շփումներ կունենա մի շարք պետությունների եւ կառավարությունների ղեկավարների հետ, հաղորդում են կառավարությունից:
Այցի ընթացքում Նիկոլ Փաշինյանը Հյուսիսատլանտյան դաշինքի գագաթաժողովի շրջանակներում կմասնակցի Աֆղանստանում «Վճռական աջակցություն» առաքելությանը մասնակցող ՆԱՏՕ-ի անդամ եւ ոչ անդամ պետությունների եւ կառավարությունների ղեկավարների հանդիպմանը, որտեղ հանդես կգա ելույթով։
Տեղի կունենա նաեւ վարչապետի հանդիպումը ՆԱՏՕ-ի գլխավոր քարտուղար Յանս Ստոլտենբերգի հետ:
Նախատեսված է նաեւ Նիկոլ Փաշինյանի ելույթը Կարնեգիի հիմնադրամում:
Այցի ընթացքում ՀՀ վարչապետը հանդիպելու է նաեւ Բելգիայի հայ համայնքի ներկայացուցիչների հետ։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: