Երեւան: Մեդիամաքս: ՀՀ վարչապետ Կարեն Կարապետյանն ասել է, որ «մենք վճռական ենք զարգացնել տնտեսությունը եւ ստեղծել Թափանցիկ ու հավասար պայմաններ բիզնեսի համար»:

Կառավարության մամուլի ծառայության հաղորդման համաձայն, վարչապետն այդ մասին ասել է հոկտեմբերի 9-ին Թեհրանում՝  հայ համայնքի ներկայացուցիչների հետ հանդիպմանը:

Վարչապետը տեղեկացրել է, որ ընթացիկ տարվա առաջին 8 ամսվա ընթացքում աճի Հայաստանում արձանագրվել է 5,5 տոկոս տնտեսական աճ՝ այն պարագայում, երբ աճի կանխատեսումը 3,2 տոկոս էր:

«Ունենք 21 տոկոսի արտահանման, 28,6 տոկոսի ներմուծման աճ եւ ուրախալի է, որ ներմուծման շուրջ 50 տոկոսը կապիտալ ներդրումներ են ու միտված են բիզնեսի զարգացմանը: Վստահ եմ, որ տնտեսական աճ ապահովելու բոլոր հնարավորություններն ունենք», - նշել է Կարեն Կարապետյանը: