Երեւան: Մեդիամաքս: Չեխիայի խորհրդարանի Սենատի նախագահ Միլան Շտեխը ՀՀ նախագահ Սերժ Սարգսյանի հետ հանդիպման անդրադարձել է Ադրբեջանին չեխական զինատեսակի վաճառքի վերաբերյալ աղմկահարույց թեմային՝ շեշտելով, որ այդ վաճառքն իրականացնողները չեն ունեցել Չեխիայի իշխանությունների թույլտվությունը:
Նախագահի մամուլի ծառայությունը տեղեկացնում է, որ նախօրեին Երեւանում կայացած հանդիպմանը Միլան Շտեխն ասել է, որ այժմ հետաքննություն իրականացվում՝ պարզելու, թե ինչպես է կատարվել այդ գործարքը:
Չեխիայի խորհրդարանի Սենատի նախագահն ընդգծել է, որ իր երկիրն աջակցում է ԵԱՀԿ ՄԽ համանախագահների ջանքերին եւ համարում է, որ հիմնախնդիրը պետք է լուծվի բացառապես խաղաղ ճանապարհով:
Մեդիամաքսը նշում է, որ ս.թ. սեպտեմբերին անցկացված թուրք-ադրբեջանական համատեղ զորավարժություններում, ադրբեջանական լրատվամիջոցների հաղորդմամբ, կիրառվել էր Չեխիայում արտադրված «Դանա» հրետանային համակարգը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: