Երեւան: Մեդիամաքս: ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդեւի հետ:
ՀՀ կառավարության տարածած հաղորդագրության համաձայն՝ Կարեն Կարապետյանը շնորհավորել է Ռուսաստանի իր գործընկերոջը ծննդյան օրվա առթիվ՝ մաղթելով քաջառողջություն, բարօրություն եւ աշխատանքային նոր հաջողություններ:
Վարչապետը բարձր է գնահատել Դմիտրի Մեդվեդեւի անձնական ներդրումը Հայաստանի եւ Ռուսաստանի միջեւ դաշնակցային հարաբերությունների զարգացման գործում:
Կողմերը պայմանավորվել են առավելագույնս ջանքեր գործադրել՝ ավելի ակտիվացնելու հարաբերությունները: Վարչապետները գոհունակությամբ ընդգծել են, որ առկա են ակնհայտ դրական միտումներ՝ տարբեր ուղղություններով առեւտրաշրջանառության ծավալների աճի առումով:
Անդրադարձ է եղել նաեւ Դմիտրի Մեդվեդեւի՝ մոտ ապագայում Հայաստան կատարելիք այցի եւ Եվրասիական տնտեսական միության Միջկառավարական նիստի անցկացման հետ կապված հարցերին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: