Երեւան: Մեդիամաքս: Հայաստանում Ֆրանսիայի նոր դեսպան է նշանակվել Ջոնաթան Լաքոթը (Jonathan Lacôte):
Համապատասխան հրամանագիրը սեպտեմբերի 11-ին ստորագրել է Ֆրանսիայի նախագահ Էմանուել Մակրոնը:
Ջոնաթան Լաքոթը, ով սեպտեմբերի 15-ին կդառնա 45 տարեկան, 2014 թվականի մարտից Ֆրանսիայի փոխդեսպան էր Մեծ Բրիտանիայում:
Մինչ այդ տարբեր պաշտոններ է զբաղեցրել Ֆրանսիայի ԱԳՆ-ի կենտրոնական ապարատում, աշխատել է Բեռլինում, Պոդգորիցայում եւ Բելգրադում Ֆրանսիայի դիվանագիտական ներկայացուցչություններում:
Ջոնաթան Լաքոթը տիրապետում է յոթ օտար լեզվի՝ գերմաներեն, անգլերեն, իսպաներեն, էստոներեն, հունգարերեն, ռուսերեն եւ սերբախորվաթերեն:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: