Երեւան: Մեդիամաքս: ՀՀ կրթության, գիտության, մշակույթի եւ սպորտի նախարար Արայիկ Հարությունյանն այսօր ընդունել է Հայաստանում Եվրոպական միության դեսպան Անդրեա Վիկտորինին։
Դեսպանը նշել է, որ կրթության ոլորտը ԵՄ-ի առաջնահերթություններից է եւ իրենք պատրաստ են աջակցել Հայաստանին բարեփոխումների իրականացման ճանապարհին։
Պայմանավորվածություն է ձեռք բերվել, որ ԵՄ-ն կօժանդակի ռազմավարության մշակման աշխատանքներն ավարտին հասցնելու գործում։
Արայիկ Հարությունյանն ու Անդրեա Վիկտորինը քննարկել են նաեւ բուհական կրթության ոլորտում համագործակցության ամրապնդման մեխանիզմներն ու համալսարանների միջեւ կապերի ստեղծման անհրաժեշտությունը, ինչպես նաեւ՝ Erasmus+ ծրագրի շրջանավարտների ցանց ստեղծելու, ծրագիրը դեպի հանրակրթության ոլորտ ընդարձակելու հնարավորությունը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: