Երեւան: Մեդիամաքս: ՀՀ փոխվարչապետ Տիգրան Ավինյանն այսօր ասել է, որ Հայաստանի հյուսիս-արեւելյան սահմանին Ադրբեջանի սադրանքներն ու դիվերսիաները անթույլատրելի արկածախնդրություն են՝ հատկապես աշխարհում մոլեգնող համավարակի պայմաններում:
«Ողջ միջազգային հանրության համար ցանկանում եմ կրկին լսելի դարձնել եւ վերահաստատել մեր պաշտոնական դիրքորոշումն առ այն, որ Ադրբեջանի իշխանությունն է կրում նման գործողությունների արդյունքում ադրբեջանական կորուստների, տարածաշրջանային հնարավոր լարվածության եւ անկայունության առաջացման ողջ պատասխանատվությունը»,- Ազգային ժողովի հատուկ նիստի ժամանակ ասել է փոխվարչապետը:
Նա ընդգծել է, որ հայկական բանակն ամենայն արհեստավարժությամբ, պատվախնդրությամբ եւ նվիրումով իրականացնում է իր առջեւ դրված խնդիրները՝ արժանի հակահարված տալով հակառակորդի սադրիչ գործողություններին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: